ESTUDOS: Diplomada en Turismo, técnico superior en xestión comercial, márketing e axencias de viaxe.
PROFESIÓN/EMPRESA: Blogger de turismo en www.latexosdeturismo.com
TIPO/ÁREA: sector turístico xeral
ONDE: Valga, Pontevedra, Galicia
TRABALLA NO SECTOR DESDE: 2002
«Cando deixei os estudos de Ciencias do Mar (sempre fun de ciencias) empecei a traballar por casualidade nun hotel. Grazas ao que foi o meu xefe aprendín a valorar o traballo no mundo do turismo, souben ao que quería dedicarme profesionalmente e cambiei radicalmente o rumbo da miña vida. Empecei así no mundo do turismo.»
AUTODESCRICIÓN: Profesional do sector grazas á formación e experiencia adquirida ó longo destes anos: es.linkedin.com/in/miniadelrio Considero vital a formación. A día de hoxe sigo traballando e estudando, e sobre todo, aprendendo día a día da xente que teño ao meu carón.
O QUE MÁIS LLE GUSTA DO SEU TRABALLO: O feito de poder escribir e reflexionar sobre o que eu quero, sobre todas esas ideas e temas que me pasan pola cabeza. Pensar en voz alta, como digo eu.
UNHA EXPERIENCIA: Cando deixei os estudos de Ciencias do Mar (sempre fun de ciencias) empecei a traballar por casualidade nun hotel. Grazas ao que foi o meu xefe aprendín a valorar o traballo no mundo do turismo, souben ao que quería dedicarme profesionalmente e cambiei radicalmente o rumbo da miña vida. Empecei así no mundo do turismo.
UNHA EXPECTATIVA: Ser mellor persoa e poder seguir traballando no que máis me gusta, no turismo. Así, o traballo non é traballo.
UN LUGAR: #Arousa
ÉPOCA DO ANO: Outono… sen dubidalo. Para min ten un significado de renovación; por exemplo as follas dos árbores caen para volver a nacer en primavera, non morren. É o ciclo da vida. Igual que no marketing “renovarse o morir…”
AS PEQUENAS COUSAS: Dedicar uns minutos do día a unha cousa que realmente me fai sentir ben ou feliz.
PARA DESCONECTAR: O son do mar calquera día do ano, en calquera estación.
A MELLORAR E A SALIENTAR DO SECTOR TURÍSTICO:
A MELLORAR: A profesionalización en xeral dos traballadores do sector turístico, sobre todo das persoas que atenden os aloxamentos, que en moitos casos son os propios propietarios. E con isto non me refiro a ter estudos superiores. Senón a cousas básicas que en teoría se deben saber e que damos por feito que se saben, pero a realidade é moi distinta. Se queremos un turismo de calidade, hai que empezar pola base.
A SALIENTAR: As intencións de colaborar e de ter en conta ós distintos axentes do sector por parte da administración pública. Esperemos que se fagan realidade e que non queden soamente en intencións.
ÚLTIMA REFLEXIÓN: Que o sector do turismo deixe de ser un caixón onde todo e todos valen. Inda que… igual é pedir moito, non?
