O principio de ano avanza, e con el as diferentes participacións de PROTURGA en actos relacionados co sector.
Nesta ocasión os Profesionais do Turismo de Galicia danse cita no III Salón Turístico de Galicia, Turexpo 2013, formando parte das xornadas técnicas que se desenvolverán o longo do sábado 23.
Para esta asistencia a Turexpo PROTURGA decidiu participar con dous relatorios que versarán sobre a seguinte temática: a innovación no sector turístico como base para xerar novas oportunidades de negocio.
En primeiro lugar Verónica Pichel Guisande, Presidenta de PROTURGA, aproveitará a ocasión para presentar a misión e fins da asociación ós profesionais asistentes as xornadas.
A continuación e da man de Iria Caamaño, guía epecializada de Galicia, falarase de turismo industrial e das posibilidades de comercialización que ofrecen os recursos patrimoniais industriais. O obxectivo fundamental da charla é dar a coñecer exemplos reais de éxito fora das nosas fronteiras, así como mostrar recursos galegos con alto potencial turístico aínda sen explotar.
Para finalizar Fátima Cachafeiro Blanco, consultora de turismo, falaranos da necesidade da renovación empresarial túristica ante a crise, presentará unha serie de medidas innovadoras destinadas ás empresas do ámbito do turismo basadas na mellora da oferta, na adaptación das necesidades da demanda e na utilización de novos canles de comunicación.
Esperamos a vosa asistencia!
ENLACES DE INTERESE:
